Komin tími til að fá smá bjartsýni í þetta blogg! Eftir nákvæmlega viku fer ég til Króatíu, jihú. Það þýddi ekkert að sitja bara og vola yfir hinni ferðina svo við pöntuðun okkur bara aðra, fengum frí í vinnunni og allt gekk upp.
Af fætinum er það að frétta að ég er farin að ganga með stuðningi frá hækju, fer til læknis á föstudaginn og fæ að vita hvort að ég megi ekki fara að sleppa hækjunni.

Í dag fáum við Styrmir kannski að vita hvort við fáum íbúð. Það eru tvær sætar íbúðir sem við eigum möguleika í og ég vona að einstakir persónutöfrar mínir (í gegnum síma) skili einhverjum árangri.

Um helgina var rosalega gaman. Inga og Jón komu í bæinn og svo komu Ástý, Erna og Kristín Inga líka. Brynja skellti sér þá úr sveitinni. Sóla var svo hérna líka og úr varð afskaplega skemmtileg samkoma heima hjá Hildigunni og Kalla. Andri og Emmi komu lsem var bara gaman, alltof langt síðan síðast.

Jæja þá er bara að bíða og vona að við fáum íbúð...